Songtexte

Suche

in

Wiagalied Gimma

i sing diar a wiagalied
i lieb di und i hoffa du waisch das
i sing diar a wiagalied
i lieb di wie gott waiss was

si het gseit si segi schwanger
si het gseit si heg verhüatad
si het brüalat
si hets mit whiskey abegschüalad
en one night stand waisch i ha dis mami kum kennt
i han si kenna glernt und bin denn halt eifach mol mit
si het gseit si verhüati und i hans glaubt
und a paar wuche spöter mina ohra nüm traut
wie au
si heg an positive tescht vor sich und segi schwanger
i han an moment lang gar nüt gschnallt denn hets mi troffe wienan hammar
es kind unterwägs vo miar i mim alter
mein gott, lans üs bhalta
dis mami het gschwige und gwartet
und i han gmerkt dass do was ganz beschisse lauft
i hettis nid glaubt, so öpis macht doch kai sau
aber si het in allem ernscht nid wela dass du die welt gsesch
i hanse agfleht, gseit dasde nimm, scheiss uf aliment und drecksgsetzt
i hett di gno und mini familie hetti sich froit uf dich
aber si schinbar nid
es tuat mer so laid für di

i sing diar a wiagalied
i lieb di und i hoffa du waisch das (du bisch mis baby)
i sing diar a wiagalied
i lieb di wie gott waiss was (du blibsch für immar mis kind)

luag es git schinbar gschichte, die sind gschriba und beschlossa
und so het dis mami denn allai an entscheidig troffa
si het din weg zum liacht abbrocha, het sich entschlosse
nid wela mami zsi, lieber no es biz karriera und ufan andara hoffa
i han halt nid glangt, lueg
i bin wedar an star no riich
weder unbesiigbar no bsunders gschiid
i bin nur i und a frau dadusse het gfunde si geb ihres kind nid zu miar
lieber sölls nia sii als bi miar
und i hans nid köna akzeptiere, han telefoniart und bin verbi
han gfleht und geld bota, ha ghofft bis zletscht es gäb no was zhoffa
bin zemabrocha nur zum schlussendlich per telefon zerfahra
dases zschpot isch
per nachricht uf dr combox direkt usara klinik irgendwo duss an dem land
wo alli eine uf heili welt machend und lachend bisch du glandet imne abfallsack
als material und sach
abtriba vonara underschrift
und hettdi nur eimol gse lacha hetti en grund kha dasmi nid umbring
aber wer sait mir mol papa?

i sing diar a wiagalied
i lieb di und i hoffa du waisch das (du bisch mis baby)
i sing diar a wiagalied
i lieb di wie gott waiss was (du blibsch für immar mis kind)