roman: emotione schteigere d'uuflag, d'uuflag z
schteigere, das isch min uuftrag,
bewaffned mit blitz und objektiv, suech i's motiv, brandheiss und
exklusiv,
click, click, s'liecht blitzt, s'opfer erschrickt, es verschtrickt sich
zmizzt im 'ne beziehixdelikt,
ich ränn i d'redaktion, ich han d'gschicht für morn.
myrto: d'titelgschicht, die ändred sich, vo tag zu tag nur üsserlich,
s'einzig wo in erinnerig bliibt, sind d'gschichte, wo das läbe schriibt
soldi: lauf zur tür uus, miis händy zmizzt im xicht voller zueversicht,
dass die gschicht au dem entschpricht, was ich mier devoo versprich dicht
bin i draa,
leg de film ii, ligge uf de luur, verfolge d'szenarie nur mit dedektive
blicke dur miis objektiv,
schtunde um schtunde, warte isch normal, will de läser wett ja bilder
xee, so isch es nun emal,
bewegig im suecher, es klicke zeigt mier aa, dass i s'bild gschosse ha,
womit i d'site 1 wird haa
roman: ich mach nüüt falsch, ich mach nur das, das wo du wettsch, das
chasch du ha,
ja gäld macht geil, und 's isch e geili welt, niemerd seit es seg e heili
welt
inestäche, umeschlaa, durezieh und abelaa, s'einzig, wo-n-ich bruuch für
das,
sind mikrofon und kamera
|