Songtexte

Suche

in

Bitte frog mi nit Breitbild

bitte frog mi nit wiso i diar das so verzella
vilicht wil i s nit anderscht kann und aifach schwach bin
im jetziga moment begriffa was i an diar ka han
was miar jetzt fehlt as tuat miar laid i hans nit a so wella
s hett alles guat usgseh bi üs zwai und as isch vu afang a
klar gsi dass ma halt für anand do isch was au immer kunnt
und gar nit drüber nodenkt wias isch wenns aimol nüm isch
han miar erhofft diar könna z zaiga dass i meh als nur a
fründ bin aber zita gönd und lüt mutiaren laider ischs aso
wil do kasch no so viil dra rüttla aber d hürda bliben stoh
und i han gottverdammt versuacht dia huara ... izrissa
aber laider zaigt distanz viil zu oft schlimmi sita
am afang denksch as wäri guat wenn ma sich nit zu oft
trifft merksch aber bald dass d distanz am gfühl vur liabi
d luft nimmt s isch an qualvolla tod so rein uf gfühlsebani
aber ds härtischta isch gsi hani ds gfühl eba ni hans in mi
inagfressa besser gsait mit sound abagspüalt doch as kunnt
immer neu zum vorschii wenni dr sound abatrül
as gfühl vu schuld und selbstmitlaid woni sus nit vu miar
kenna dazua träna in da auga jeda obig vorem penna
aber meh beschäftigt mi wias diar jetzt goht und was du
tuasch ob d wider zu diar gfunda hesch doch as verloht mi
mina muat und das schu bir vorwahl i wörf dr hörer uf mis
bett gsehn di in gedanka vor miar wia mi aluagsch und mi
hebsch und i arschloch wis di ab wili z gfühl han i heg zwor
ziit aber eba nit für di i lega platta uf los beats und i
gschpür wia dini hand vu minera schultera wicht doch
anstatt wärmi fühli nur a ganz an kurza stich und denn
bisch ganga und i lappi han a leeri in miar gschpürt
doch dä stich dä schmerzt mi jetzt no und zwor härter
und vertüft
klar i leb jetzt vor mi hi und mach so witer wia bis anhin
doch verwütsch mi oft no selber wia i hoffnigslos dr hart
mim nur zum zaiga dass i a maa bin aber aigentlich nur
dra bin di us minem hirni z stricha doch as tribt mi in
dr wahnsinn dasi di nümme werd gseh kann i miar
usrechna wür öppa selber vor miar flüchta hetti d
fähigkeit zum usbrecha doch i waiss au dass du ds
besta us diar machsch und witer gosch wia bis zu dem
punkt i jedoch bliba do und schrib dia wort bis i dä
text nit abgfasst han han i nit alles gsait wasi diar han
wela säga wia zum bispil s tuat mer laid klar i waiss
dass das für di a schwacha trost isch und i waiss au dass
vertraua für di tot isch aber meh kanni nit säga s tuat
mer laid i wür jo gern i hoffa aifach dass du bald amol
trost findsch am besta im na typ wo diar meh büta kann
als i je könna werd i hoff eu jedoch niamols zäma gseh
wil mi das töta wür vilicht wärs au nur gerecht wenni das
mol müasst erfahra wil das isch ... das wären eba gnau
dia höllaquala wo ma dura macht wenn nit erwidret wird
was ma für öppert fühlt i glaub so fühlt sich öppa müll i
fürchta söttig gfühl langsam muassi lerna söttig schläg
könna verkrafta doch i muass laider schu säga söttig
schläg könd huara kraft ha i hett aifach nur ai letschta
wunsch und dä kunnt echt vu härza bitte blib wiad bisch
und lohn di nia meh so verletza doch i denk das waisch
du selber und du luagsch zu diar das sind mini letschta
wort i glaub hesch gnuag vu miar
bitte frog mi nit wiso i diar das so verzella vilicht wil is
nit anderscht kann und aifach schwach bin im jetziga
moment begriffa wasi an diar ka han was miar jetzt
fehlt as tuat miar laid i hans nit a so wella