ä winter lang hani uf d'sunne planget
ha am schnee d'schuld gä derfür.
dass mis lache irgendwo i de wulche hanget
u dr wäg nüm fingt zu mir.
s'isch früelig worde, aber nüt isch gscheh
ha scho gmeint i wärdis nie meh gseh
dass d'sunne wider mau abe schiint uf mi
u da triffe'ni di.
chorus:
du hesch es lache wi nis no nie ha gseh
wo du bisch, dert gits keni träne meh.
u äs git nüüt, wo'ni nid miech für di
du bisch guet für mi, sit i di ha gseh
git's für mi keni träne meh.
we mir zäme si, geit d'zit so schnäu verbi
bi'ni allei, de bliibt si schtah.
u schlafe mir zwöi zäme i
de wett ig di nie meh la gah.
s'git viu, di warte ds'läbe lang
uf das, wo mir zwöi hei
drum sägi dir, i hange dran
u la mi nie allei.
chorus: 7x
du hesch äs lache wi nis no nie ha gseh
wo du bisch, dert gits keni träne meh.
u äs git nüüt, wo'ni nid miech für di
du bisch guet für mi, sit i di ha gseh
git's für mi keni träne meh.
|