Jetzt isch alles in Butter,
miar händ super Tschutter, nid so Meitli mit Frisuura wia dr Alain
Sutter. Z Geils-ta dra isch, das isch nüma neutral, das Land hät jetzt au
Stars, anderi Nama und Farba, Nama vo überall.
Das Team isch jung und wild und z Spiagelbild vo Kids us allna Ecka vor
Schwiiz. Fertig schüüch am hänga, I will xeh fackle brenna bis mer Träne
khömend wia bim 4:1 geg Rumänia. Jetzt wird scharf gschossa wia bir Armee
mit Gwehr.
Dr Gegner wird in Boda gstampft wia voma greni Ter. I will a Vorstellig
vu Schwiizer Präzisisonstechnik. I will dr Ball im Netz xeh wia bima
George Bregy, will xeh wiamas fiirt wiana Titelspiel. Am Singa bis dia
ganz Schwiiz Rot xeht wia am Köbi sin Zinka. Fahna schwanga, z ganza
Stadion singt d Nationalhymna, lönd si üs astimma.
Das isch kein WM-Song. I nimma numa Stellig, willi i stolz bin uf jeda vo
dem Team und sina König. Do söll sich jeda mol a Schiiba schniida vo dr
Moral. Und nid nur jommjera, laufts wider numa normal, und bi jedera
Niderlag wider vonara Kriisa schnorra.
Jetzt stoht d' Schwiiz do vorna und hät riisa Schnora. Üsers kliina Land
plogt nämli au dia ganza Grossa. Luag d Franzosa ah, heigschickt mit
halba Hosa, jetzt isch verbi mit Zittra. Mer sind a Stuufa witer, alli
händ jetzt Schiss vor da struuba Schwiizer, rutschend mr dr Buggel ab,
mer lönd üs nid schupfa.
Z ganze Land schreit schu «free beni huggel». Jetzt wird Drugg gmacht im
Sturm und hina gsperrt, wenns si muas gspärzt. Jetzt hät d Schwiiz as
Herz, as bruucht nur Isatz und das Ding isch gritzt. Das Team isch fit,
das Ding im Netz. Los ab jetzt!
Also ali zäma. Los as Piar paratstella, Buuch ina, Bruscht ussa und Hand
ans Herz. Erschta Ton asinga, hmmmmm, okay. Mini Dama und Herra dia noi
Nationalhymna.
Machend alli zäma Lärm für dia rot-wiis Fahna, miar wänd nid an dia WM
für an Troschtpriis fahra. Sägend «Gooolll...», yeah, das Netz muas
zappla, sägend «Gooolll ...», dia Schüss müand kracha.
|